海洋公園 (1986)

十年人事幾番身，畫面中的海洋公園已經變晒，登山電梯那邊那時是沒有設施的，現在就有集古村，越礦飛車等機動遊戲。片中還有英國國旗添。

片中提及復活節套票係任玩，從而得知那時應該是按次收費，其實一個收費可能俾貴o左，但玩得應該盡慶d。

上年開始海洋公園大裝修，幾年後可能又面目全非。有時間要去看一看。

互動電視 ITV (1999)

近十年前的最新科技 - video on demand (VOD) service在香港始於未能發揚光大，可能收費太貴，亦有很多有關版權的問題。不過其實人們已經慢慢地享用這些服務，只不過是免費的，youtube就是一個出色的VOD服務商，大家可以隨時睇自己喜歡的片，就算是這個blog的片都是vod的一種。網上的人無私的上傳自己的收藏，雖然他們一方面已經侵犯了別人的版權，但好的東西與多人分享，多人得益才是做福社會，有時所謂版權的保護不單無助知識的增長，反而做成社會不公，好似藥物，有些新的藥物能更有效治病，但因為被藥廠控制往，最終貧苦的大眾得不到最適合的治療。講得太遠了。

繳費靈 - Kill Bill

繳費靈一種幾方便的繳費方法，差不多所有的費用都可以用它去交。從前它只能提供電話繳費，如果不是與時並進，加入了互聯網這方法，可能已經byebye了。

這個廣告用了當時的電影"Kill Bill"來做買點，再加上食字的方式吸引觀眾，加深佢地的記憶。故事簡單直接介紹了產品的功用，範圍。

紅十字會 愛回來 (2006)

很久沒去捐血了，有時想捐身體又不好，身體好的時候又沒有時間(其實是懶去)又無捐。捐血其實是很有意義的活動，忽發奇想，可唔可以紅十字會收集捐血者的email，夠期就email提大家去捐血呢???

廣告的 slogan "愛生命、愛捐血、愛回來"，簡單直接真的不錯。

九巴(有人就有路) (1995)

廣告讀白:
"路係人行出來的，有人到的地方就會有路
只要有人同路，佢就好可能係我地面前出現
無論有幾偏遠。"

Extracted from the ad:
"Thousands and thousands of footsteps form roads
Wherever there are people, there are roads
And wherever there are people and roads.
there is a great chance that we will appear
No matter how far away."

簡單的幾句配合著畫面帶出很體貼的感覺。
看完這個片段想著人生好比一條很長的路，路係人行山來，每個人都有自己的路，因為無一條相同的路，所以沒有巴士服務，只能一步步向前走，可喜的是在路途上你會遇到唔同的人，不會孤單，可能一同走一會，分開，再相遇，又可能分開後不再相遇，所以要好好珍惜相聚的時刻。天無不散的筵席，大家要向不同的目標出發時，請不要忘記為朋友打打氣。

可能想多了...

[香港廣告]九巴(全線八達通) (2000)

八達通(八仔)可以算係咁多種電子貨幣中最成功的。它用途之廣可能連創造者也想像不到，它能深入民心某程度上是因為香港人口密集，而大部份人返工返學都乘公共交通有關，當所有(大部份)交通工具都一同推行，就算初期不想給50大元按金的人最後都要"被迫"購買。

回想中學時代沒有八達通，返學的車資卻是x.9(唔記得個九定兩個九)，每星期都要預先準備好，五幢零錢放在書桌上，有時要為找零錢而傷腦根，如果是現在一嘟已搞掂，唔洗煩。現在有時一日都唔會用一蚊現錢(坐車食飯都係用八仔)，

講番條片，片中沒有講九巴幾時開始全線八達通，但在網上查了一會，應該是2000年4月開始，不經不覺已幾9年了。

看完這條覺得有趣的是人們不是多了錢買旗，而是沒有零錢去買，試過一次身上得幾個毫子(總數應有個幾)，但又有人賣旗，唯有全部放進去，真的有點不好意思。看來八達通的流行可能令賣旗的善款減少(唔知有冇人統計過)，雖然現在有時會有八仔賣旗，但一嘟十蚊，對我(大部份收入少的打工仔)來說太多了。今日是星期六唔知你有冇買旗呢?

香港電視廣告 - Burger King (1984年)

多年前的burger king廣告，片中提到佢d漢堡扒係燒的，真是沒有留意到，可能食得少，有機會就要去試真d...不經不覺佢由1984年進軍香港，之後又離開，現在又回來了，唔知哈迪斯幾時會番來呢?

有關佢的香港歷史可去wikipedia睇下

Anyway睇睇1984年果個款:

益力多 2007/2008

益力多間中自己都會飲，不過唔係因為佢有益才飲，只係當佢係汽水般。廣告中強調常飲可強身健體，但有冇實驗證實過呢？會唔會好似另一飲品在廣告中強調提子比橙有更多的維他命C，但那飲品卻只是沒有維他命C的提子味飲品。我覺得當局應該加強監管，以免大衆被誤導。


益力多 病菌解釋



益力多廣告 - 潺仔強



益力多 - 筲箕灣貓王



益力多 - 阿伯冬泳鬥吹水

無糖可口可樂

這個廣告比快樂工廠更有創意，但有點嚇人，幾個主角，脷，眼，腦的賣相令人有不好的感覺。佢的主題係要帶出新的zero版可樂味道與正常版的一樣，但手法就誇張果頭，很不討好。不過這種做法至少會令人記得那肉酸的脷。

Part 1


Part 2

可口可樂－快樂工廠

好開心，好得意的廣告。廣告中沒有對話，旁白。開心快樂的感覺全部都是用影像和音樂去做成，雖然製造一枝可樂一定唔會好似廣告咁，但廣告人的想像力，創意度真的值得拍手讚好。睇完這個廣告令人覺得飲可樂真的是一件快事。

麥當勞麻辣系列 軟硬天師 林海峰 葛民輝 (2009)

又係軟硬麥當勞廣告...一連幾日都係同一個系列的廣告，真的有少少悶，明天會轉一轉。

麥當勞麻辣麥樂雞、紅豆批 - 軟硬熊貓 煲「粥」(竹)食 (2009)

繼續係麥記軟硬熊貓廣告，手法同之前的差不多，食字+hard sell。

麥當勞 麻辣板燒 扭扭粉 早餐系列 - 軟熊貓請硬熊貓食炮杖

軟硬今次又係玩食字...不過好搞笑，食熱竹變成食爆竹，真是很有趣。

麥當勞軟硬超人"蕉蕉脆批" 廣告 (2008)

初初感覺好hard sell，不過睇落幾好睇，好得意咁，蕉蕉批玩食字，似超人出招的聲音。

廿四小時麥當勞 (2008)

我最初並不睇好麥當勞廿四小時營業，因為晚餐都唔係咁多人食麥記，廿四小時有幾多人會食野，我估一年半載後必會打回原形。但過了一年多，不單無打回原形，仲開得越來越多，有時夜歸都會見到不少人半夜三更在麥記留連。

這個廣告的廣告歌幾好聲，又易上口，主題又突出，真的不錯。

富士二合一相機 (1987)

從前創意產品，連菲林的相機真的為沒有帶相機的人提供了方便，可惜生存不足廿年就被數碼化的相機取代。現時大家的手機都有相機功能，要影相可以話舉手之勞。

現在就讓我們一起重溫昔日的創意發明。

提款機推出時的廣告 - 渣打通服務機 (1982)

唔睇可能唔知，自助式提款機應該係1982年左右登陸香江，不經不覺已經廿多年。現在的港人多數都會用提款機提款，這方便快捷的發明真的值得一讚，但很多銀行以收費的方式迫人改用這自助服務，使很多不懂現代新科技的貧窮長者帶來不便真的令人歎息。

Anyway睇下以前的提款機係點，電視廣告又怎樣將這新東西介紹給港人。去片...

香港樓盤廣告 - 凱旋門 (2005)

這系列廣告分了四個，開先都是介紹世界各地知名的拱形建築，突出拱形建築的高貴一面。這前半部份結合起來可以當一個少少的紀錄片，後半部份就是將廣告樓盤與之前做出的高貴，顯赫的地位連結起來。整體感覺不錯，有一定的可觀賞性。

Part I

Part II

Part III

Part IV

港英政府時宣傳片 - 唔好幫襯街邊熟食小販 (1989)

這個廣告(宣傳片)把街邊檔的黑暗面突出，令大家抗拒，睇完之後真係唔係好想係街邊食野。不過近七八年唔知係唔係當局大力打擊/無人買，街邊推車仔的熟食小販真的少了很多很多，大部份都入o左地舖，只是偶然會見到雞蛋仔檔，牛什車仔檔簡直沒有了。

雖然現在的熟食檔入了舖，但其衛生情況都唔係咁好，都係少食為妙。

[政府宣傳片] 做好遠足準備 暢遊綠野天地 (2008)

放假約埋一班朋友去行山真是一件樂事，行山準備其實真的好重要，計劃路線，預備食物飲品係最基本的。雖然行行下都會有機會迷路，但有地圖，電話，gps應該唔會返唔到屋企。

這個宣傳片好得意，唔用明星主角應該算低成本。愛好行山的你記得睇多幾次。