麥當勞麻辣系列 軟硬天師 林海峰 葛民輝 (2009)

又係軟硬麥當勞廣告...一連幾日都係同一個系列的廣告，真的有少少悶，明天會轉一轉。

麥當勞麻辣麥樂雞、紅豆批 - 軟硬熊貓 煲「粥」(竹)食 (2009)

繼續係麥記軟硬熊貓廣告，手法同之前的差不多，食字+hard sell。

麥當勞 麻辣板燒 扭扭粉 早餐系列 - 軟熊貓請硬熊貓食炮杖

軟硬今次又係玩食字...不過好搞笑，食熱竹變成食爆竹，真是很有趣。

麥當勞軟硬超人"蕉蕉脆批" 廣告 (2008)

初初感覺好hard sell，不過睇落幾好睇，好得意咁，蕉蕉批玩食字，似超人出招的聲音。

廿四小時麥當勞 (2008)

我最初並不睇好麥當勞廿四小時營業，因為晚餐都唔係咁多人食麥記，廿四小時有幾多人會食野，我估一年半載後必會打回原形。但過了一年多，不單無打回原形，仲開得越來越多，有時夜歸都會見到不少人半夜三更在麥記留連。

這個廣告的廣告歌幾好聲，又易上口，主題又突出，真的不錯。

富士二合一相機 (1987)

從前創意產品，連菲林的相機真的為沒有帶相機的人提供了方便，可惜生存不足廿年就被數碼化的相機取代。現時大家的手機都有相機功能，要影相可以話舉手之勞。

現在就讓我們一起重溫昔日的創意發明。

提款機推出時的廣告 - 渣打通服務機 (1982)

唔睇可能唔知，自助式提款機應該係1982年左右登陸香江，不經不覺已經廿多年。現在的港人多數都會用提款機提款，這方便快捷的發明真的值得一讚，但很多銀行以收費的方式迫人改用這自助服務，使很多不懂現代新科技的貧窮長者帶來不便真的令人歎息。

Anyway睇下以前的提款機係點，電視廣告又怎樣將這新東西介紹給港人。去片...

香港樓盤廣告 - 凱旋門 (2005)

這系列廣告分了四個，開先都是介紹世界各地知名的拱形建築，突出拱形建築的高貴一面。這前半部份結合起來可以當一個少少的紀錄片，後半部份就是將廣告樓盤與之前做出的高貴，顯赫的地位連結起來。整體感覺不錯，有一定的可觀賞性。

Part I

Part II

Part III

Part IV

港英政府時宣傳片 - 唔好幫襯街邊熟食小販 (1989)

這個廣告(宣傳片)把街邊檔的黑暗面突出，令大家抗拒，睇完之後真係唔係好想係街邊食野。不過近七八年唔知係唔係當局大力打擊/無人買，街邊推車仔的熟食小販真的少了很多很多，大部份都入o左地舖，只是偶然會見到雞蛋仔檔，牛什車仔檔簡直沒有了。

雖然現在的熟食檔入了舖，但其衛生情況都唔係咁好，都係少食為妙。

[政府宣傳片] 做好遠足準備 暢遊綠野天地 (2008)

放假約埋一班朋友去行山真是一件樂事，行山準備其實真的好重要，計劃路線，預備食物飲品係最基本的。雖然行行下都會有機會迷路，但有地圖，電話，gps應該唔會返唔到屋企。

這個宣傳片好得意，唔用明星主角應該算低成本。愛好行山的你記得睇多幾次。

匯豐銀行 - 新路篇 (1997)

接著昨天的廣告，今次要帶出來的就是:要成功就要改變。要做出改變係困難的，因為人是比較安於現狀，無la la去行新路，係唔係有必要，係唔係有著數呢？答案無人會知，除了走上了這新路，但走了新路你又不會知道是否比舊路更好，因為你選擇走新路時，舊路是否依舊呢？可能你的轉變同時亦影響了舊路。好似好玄...但年輕人應該要有冒險家的精神，開創自己的道路。

匯豐銀行 - 30歲篇 (1996)

古語有云:三十而立，人到了三十歲應該要有一番作為...就算做不到，嘗試都要。片中講到遇到暴動，股災，回歸問題，那一家人依然勇敢面對。在百年一遇的金融海潚中，我們亦要堅守自己的崗位，勇敢面對目前開闢屬於自己的道路。

匯豐銀行 - 夫妻篇 (見多你幾面) 1995年

"我唔係想食你煮o既麵，只係想見多你幾面" - 好溫馨的一段說話，好似有少少爛gag feel，但聽起來心都甜。唔信你自己用心再睇一次吧!



看完了想唔知係唔係真人真事呢？現實世界中有沒有這麼傻的人？

百佳超級市場 10週年大減價 (1989)

今次從百佳超級市場10週年大減價廣告比較從前和現在的日常物品的物價，10件精選貨品有兩件已經不能在百佳網上店找到了，它們分別是T-shirt同菲林，T-shirt應該只是百佳網上店無做，但菲林應該已被數碼相機淘汰了。

在網上店找到現在(18/3)的價錢，並作出比較，表列如下:

Item ID	Item	1989 (HK$)	2009 (HK$)	% change	Price Up Rank
1	T-shirt	19	N/A	N/A	-
2	Fujicolor Film - 36	19.5	N/A	N/A	-
3	莎莉類蛋糕	8.9	21.9	146%	3
4	健力氏 家庭裝面紙	6.9	13.9	101%	5
5	出前一丁 米粉	1.3	2.8	115%	4
6	三花 全脂淡奶 410g	4.2	7.9	88%	6
7	卡樂B 燒烤味薯片	1.6 (28g)	3.6 (25g)	152%	2
8	百事可樂 1.25L	5.2	7.4	42%	8
9	獅球嘜 花生油	30.9 (2.9L)	93.9 (2.7L)	226%	1
10	金象牌 泰國香米 5kg	27.5	48.9	78%	7

升幅最大的是食油，升了二倍有多，平均都有一倍多，可見這廿年來的通脹有幾大，但唔知人工方面升幅有幾多呢？不知十年後這些物品的價格又是多少。

Anyway，大家睇睇這個簡單直接的廣告:

粒粒橙汁 vs 果粒橙 (199x vs 200x)

百佳粒粒橙汁(唔知大家仲有冇印象，無就要睇下片)同果粒橙(早排勁賣廣告果隻)其實都係類似的product，大家都係標榜飲有果肉的果汁，兩個邊個好D...大家要用心d睇下la...



百佳粒粒橙汁





果粒橙

優質服務 致勝之道 - 政府 (~2000年)

"今時今日咁既服務態度係未夠架"相信大家都會聽過，甚至講過，但大家又記唔記得係邊個教你地講。我家的嬸嬸是做服務業(小商店老闆)的，佢成日都話劉德華教壞D客，一滿足唔到佢地無理的要求就引用劉生這句對白，都不知多了幾多無謂的爭吵。

講多無謂，去片...

證監會廣告 - 食個飽篇 (80-90年代)

唔睇唔覺原來證監會一路就有賣廣告叫市民要小心投資，今次找到的是８０－９０年代的廣告，內面的電話仲係７個字，實際年期就找不到，anyway投資要小心呀。

較近期的證監會: 問我 / 阿羊 都係叫人投資前要想清楚。

證監會廣告 - 羊篇(醒目版) (2006)

聽完<問我>點可以少得阿羊呀，咩咩咩...真係幾有諗頭，大家記得要多Ｄ問，投資應該每事問。

證監會廣告《問我》改歌詞版 - 2009

由一首金曲改詞而成，雖然係話改了歌詞，但很多字都係跟番原曲，聽起來一聽就會想起舊歌。由此曲可見以前的詞人功力之深厚，現在很少見有這麼能觸動人心的歌詞。

Lego 積木 城市系列 - 2007

小時候時常都有玩lego，最初是跟著指示去砌，到後期就自己創作，發覺lego的潛力很大，可以創造出很多東西，由於它是小小的一件件組合以成，所以可以說可以做出很多東西，每隔一排就會有大型的lego展，展出較大的作品，好似之前奧運就有鳥巢lego模型。當然家庭製作沒有這麼多的lego做出想要的東西，但小小的還可以，好似自己就試過用lego做個小型的"架"放文具。

樂高這個廣告就是推廣它的city系列，其實並不是新的東西，很久之前已經有。